هتقولوه ايه ديشاا دى ايه الاسم الغريب ده عندكم حق تستغربوه انما ديشا ده واحد صاحبى ديشا ده حكايته حكاية لازم نعرفها من البداية بس لازم بعدها تدعولوه بالهداية وان ربنا على خير ينهى الحكاية
كان ليا صاحب اسمه ديشااا كان دايما قارفنى فى العيشة
صاحبنا ده ليه حكاية مع بنت لها اجمل ضحكاية
صاحبنا ده حبه مسافر ودايما لحبها بيكابر
بيقول هيا متفرقش معايا ااه لو مرة بص فى المرايا
هيعرف ان حبها جواه دى صحته من غيرها راحت ياولداه
نفسه فى يوم يرجعلها وهو فعلا مشتقلها
بيقول انا عليها مبدورش بس على مين يادرش
انا عارف انك فيها بتموت وصوتك مهما تتكلم فى سكوت
طاوع قلبك وارجعلها ده انتا بجد بتحبها
صاحبى ده لما بيوصفلى فيها بيبص للسما ويسرح فى عنيها
بيتوه وهو معايا بيحكيلى يتكلم عليها ولعنيها يغنيلى
بس ارجع واقول صاحبى يستاهل ده سابها كتير وعليها مش سأل
عايز يخلى حبه للبنوتة مجرد اسم كاتبه فى نوتة
يابنى خلاص اصحى وفوق ارجعلها دى الايام بتفوت
لحسن ترجع تندم عليها وتتمنى نظرة من عنيها
وكان ليا صاحب اسمه ديشا ربنا يصلحله العيشة
عرفتوه بقى مين ديشاا وايه حكايته دى حكاية بتتكرر كتير من كل اللى بيحبوه ومش عارفين قيمة الحب ده مش عارفين ان الحب ده صعب اننا نلقاهوخصوصا لما يكون حب بجد مش مجرد تسالى ياريت حكاية ديشاا تكون عجبتكم وتكون بداية انكم تفكروا شوية فى اللى بتحبوهم علشان ميضيعوش